ADVERTISEMENT
தீரன் சின்னமலை மகளிர் கலை கல்லூரியில் கட்டப்பட்ட புதிய கட்டிடத்தை காணொலி வாயிலாக மு.க.ஸ்டாலின் திறந்து வைத்தார்..
திருப்பூர் வஞ்சிப்பாளையத்தில் உள்ள தீரன் சின்னமலை மகளிர் கலை கல்லூரியில் கட்டப்பட்ட புதிய கட்டிடத்தை சென்னை தலைமைச் செயலகத்தில் இருந்து காணொலி வாயிலாக முதலமைச்சர் மு.க.ஸ்டாலின் திறந்து வைத்தார்.
பின்னர் பேசிய அவர், தீரன் சின்னமலை பெயரை கல்லூரிக்கு வைத்ததற்கு பாராட்டுகள் தெரிவித்தார்.
தீரன் சின்னமலையின் பெயரை சொன்னால் தற்போதும் எழுச்சி ஏற்படுவதாக குறிப்பிட்ட முதலமைச்சர், அதிமுக ஆட்சியில் மேற்கு மண்டலத்தில் 9 அமைச்சர்கள் இருந்தும் கல்லூரி கட்ட நிலம் ஒதுக்கவில்லை என குறிப்பிட்டார்.
கொங்கு வேளாளர் சமுதாயத்தை பிற்படுத்தப்பட்ட சமுதாயமாக அறிவித்தவர் கருணாநிதி என குறிப்பிட்ட முதலமைச்சர், தமிழ்நாடு மாணவர்கள் உலகமெங்கும் சென்று சாதிக்க வேண்டும் என வாழ்த்தினார்.
இதைதொடர்ந்து, பிற்படுத்தப்பட்டோர், மிகப்பிற்படுத்தப்பட்டோர் நலக் கல்லூரி மாணவ, மாணவியருக்காக 5 விடுதிக் கட்டடங்கள் மற்றும் 2 கள்ளர் சீரமைப்புப் பள்ளிக்கட்டடங்களை திறந்து வைத்தார்.
எழுத்தாளர் பழ. அதியமான் எழுதிய “வைக்கம் போராட்டம்” நூலின் கன்னட மொழிபெயர்ப்பு நூலை முதலமைச்சர் வெளியிட, திராவிடர் கழகத் தலைவர் ஆசிரியர் கி. வீரமணி பெற்றுக்கொண்டார்.
இதற்கிடையே, தமிழ்நாடு சுற்றுலா வளர்ச்சிக் கழகத்தின் புதிய வால்வோ சொகுசு சுற்றுலா பேருந்துகளின் பயன்பாட்டினை முதலமைச்சர் மு.க.ஸ்டாலின் தொடங்கி வைத்தார்.
பேருந்தின் முதல் பயணமாக மாற்றுத்திறனாளிகள் நலத் துறையின் சிறப்பு பள்ளிகளில் படிக்கும் மாணவ, மாணவிகள் மாமல்லபுரத்திற்கு சுற்றுலா பயணம் மேற்கொண்டனர். அவர்களை சந்தித்து முதலமைச்சர் வாழ்த்து தெரிவித்தார்.
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
![](https://www.madhimugam.com/wp-content/uploads/2024/07/002-10-x-15-a.jpg)