அறிமுகமாகும் “90ML மதுபான பாட்டில்” எப்போதில் இருந்து தெரியுமா..?
அரசு டாஸ்மாக் கடைகளில் இந்த ஆண்டு அக்டோபர் மாதம் முதல் “90 மில்லி லிட்டர் மதுபான பாட்டில்” மற்றும் பாக்கெட்களில் மது விற்பனை செய்யப்போவதாக தகவல்கள் வெளியாகியுள்ளது.
தமிழ்நாட்டில் 4,829 டாஸ்மாக் கடைகள் செயல்பட்டு வருகிறது. இந்த டாஸ்மாக் கடைகளில் இந்திய தயாரிப்பு வெளிநாட்டு மது, பீர் மற்றும் ஒயின் ஆகியவை விற்பனை செய்யப்பட்டு வருகிறது. இந்த கடைகளில் குறைந்தபட்ச அளவாக 180 மில்லி லிட்டரில் தொடங்கி மதுபான பாட்டில்கள் விற்பனை செய்யப்படுகின்றன.
இந்நிலையில் மது பாட்டில்களை மறு சுழற்சி என்பது அதிக அளவில் இல்லை என்பதாலும், கூடுதல் செலவு ஏற்படுவதாலும், டாஸ்மாக்கில் 90 மி.லி மது டெட்ரா பேக்குகளில் விற்பனை செய்ய திட்டமிடப்பட்டுள்ளது.
இந்த திட்டத்திற்கு பலர் ஆதரவு தெரிவித்தாலும் ஒரு சிலர் எதிர்ப்பு தெரிவித்து வருகின்றனர். என்பது குறிப்பிடத்தக்கது. 90 மில்லிலிட்டர் பாட்டில் விற்பனைக்கு வந்தால் மது குடிக்கும் அளவு சற்று குறையும் என மதுப் பிரியர்கள் தெரிவிக்கின்றனர். இந்நிலையில் வரும் அக்டோபர் மாதத்திற்குள் 90 மில்லி மது பாட்டில்களை விற்பனைக்கு கொண்டு வர டாஸ்மாக் நிர்வாகம் திட்டமிடப்பட்டுள்ளது.
இதுபற்றி டாஸ்மாக் அதிகாரிகளிடம் கேட்ட போது சில கருத்துக்களை தெரிவித்துள்ளனர்.., அவர்கள் கூறியதாவது, “தமிழ்நாட்டில் 90மிலி மது பாட்டிகள் மற்றும் டெட்ரோ பாக்கெட்டுகளில் மதுவை அடைத்து விற்பனை செய்வது தொடர்பாக பல கட்டங்களாக ஆலோசனைகள் நடத்தப்பட்டன. இந்நிலையில் 90 மில்லி மது விற்பனைக்கு தமிழக அரசு அனுமதி அளித்துள்ளது.
ஆந்திரா, தெலுங்கானா, கர்நாடகா ஆகிய மாநிலங்களில் 90 மில்லி பாட்டில்கள் மற்றும் டெட்ரா பாக்கெட்டுகளில் மதுபானம் விற்பனை செய்யப்பட்டு வருகிறது. ஏற்கெனவெ அதிகாரிகள் குழு இந்த மாநிலங்களில் ஆய்வு மேற்கொண்டது. தெலங்கானாவில் மாநிலம் முழுவதும் மது விற்பனையில் 90 மில்லி மதுபாட்டில்கள் தான் பெரும் அளவில் விற்பனை ஆகின்றன. ஆனால் கேரளாவில் விற்பனை சூடுபிடிக்கவில்லை.
அண்மையில் மதுபான உற்பத்தியாளர்களுடன் ஆலோசனை மேற்கொள்ளப்பட்டது. இந்த ஆலோசனையில் 90 மில்லி மது பாட்டில்களுக்கான உற்பத்தி செலவு நிர்ணயிக்கப்பட்டுள்ளது. 90 மில்லி மதுபானம் சராசரியாக ரூ.80 ஆக இருக்கலாம். டாஸ்மாக்கில் தற்போது 180 மில்லி மதுபாட்டில் ரூ.140க்கு விற்பனை செய்யப்படுகிறது.
6 மாதங்களுக்குள் உற்பத்தியை துவங்குவதாக உற்பத்தியாளர்கள் ஒப்புக் கொண்டுள்ளனர். எனவே வரும் அக்டோபர் மாதத்திற்குள் கடைகளில் 90 மில்லி மது பாட்டில்கள் விற்பனைக்கு வரும் என எதிர்பார்க்கப்படுகிறது. இவ்வாறு அவர்கள் கூறினர்.
– லோகேஸ்வரி.வெ
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..