யானைகளின் அட்டகாசம்.. பயிர் சேதம் மட்டுமல்லாது உயிர் சேதமும்… கட்டுபடுத்தகோரி கோரிக்கை..!
கிருஷ்ணகிரி மாவட்டம் ஓசூர் அருகே ஜவளகிரியை அடுத்த பனசமானதொட்டி கிராமத்தைச் சேர்ந்த விவசாயி பரமேஷ் (40) என்பவர் இன்று காலை தனது விவசாய நிலத்திற்கு வழக்கம் போல வேலை செய்ய சென்றுள்ளார்.
அப்போது அங்கு முகாமிட்டிருந்த மூன்று காட்டு யானைகளில் இரண்டு யானைகள் இவரை கடந்து சென்ற நிலையில், மூன்றாவதாக வந்த யானை இவரை தூக்கி வீசி மிதித்துவிட்டு சென்றது. இதில் பரமேஸ்வர் வயிற்றிலிருந்து குடல் சரிந்து சம்பவ இடத்திலேயே பரிதாபமாக உயிரிழந்தார்.
ஏற்கனவே தேன்கனிக்கோட்டை மற்றும் அதன் சுற்றுவட்டார பகுதிகளில் கடந்த சில தினங்களாக மூன்று காட்டு யானைகள் சுற்றி திரிந்து அட்டகாசம் செய்து வருகிறது.
நேற்று கண்டகாணப்பள்ளி, எலசெட்டி கிராமங்களில் விலை நிலங்களில் பயிரிடப்பட்டிருந்த தக்காளிப் பயிர்களை சேதப்படுத்திவிட்டு சென்றது.
இந்த நிலையில் இன்று காலை கிரியானப்பள்ளி கிராமத்தில் முகாமிட்டிருந்த யானைகள் அங்குள்ள தக்காளி தோட்டத்தையும் துவம்சம் செய்துவிட்டு சென்றுள்ளது.
யானைகளின் அட்டகாசத்தால் அந்தப் பகுதி விவசாயிகள் கடுமையாக பாதிக்கப்பட்டுள்ளதுடன் அப்பகுதி மக்கள் செய்வதறியாது அச்சமடைந்துள்ளனர். யானைகளால் பயிர் சேதம் மட்டுமல்லாது உயிர் சேதமும் தொடர்வதால், வனத்துறையினர் கடுமையான நடவடிக்கைகளை மேற்கொண்டு யானைகளின் நடமாட்டத்தை கட்டுப்படுத்த வேண்டும் என்று பொதுமக்கள் கோரிக்கை விடுத்துள்ளனர்.
-பவானி கார்த்திக்
தொடர்கதை -2 – Written – 500
“தோல்வியை கண்டு அஞ்சாதே வெற்றியை கண்டு கர்வம் கொள்ளாதே”