பிரபல நடிகை CID சகுந்தலா காலமானார்..!!
பிரபல பலம்பெரும் நடிகையும் நடன கலைஞருமான நடிகை சிஐடி சகுந்தலா உடல்நலக்குறைவின் காரணமாக அவர் காலமானார்.
தமிழ், தெலுங்கு, மலையாளம், கன்னடம் உள்ளிட்ட பல மொழிகளில் நடித்தவர் நடிகை சகுந்தலா., கடந்த 1970ஆம் ஆண்டு வெளியான சிஐடி சங்கர் என்ற படத்தில் ஜெய்சங்கருக்கு ஜோடியாக நடித்து இருப்பார்., அந்த படம் நன்கு வெற்றி பெற்றது.., அதன் பின்னரே அவர் “சிஐடி சகுந்தலா” என அழைக்கப்பட்டார்.
சேலம் மாவட்டத்தில் பிறந்த நடிகை சகுந்தலா.., நடிதுகொண்டிருந்த காலத்திலேயே சென்னையில் லலிதா, பத்மினி, ராகினி ஆகிய மூவருடன் சேர்ந்து நடன நிகழ்ச்சிகளில் பங்கேற்று, தன் நடன திறமையை வெளிப்படுத்தினார். அதன் பின்னரே அவருக்கு பல்வேறு பட வாய்ப்புகள் கிடைத்தது என்பது குறிப்பிடத்தக்கது..
அதன்பின்னர், ‘படிக்காத மேதை’, ‘கை கொடுத்த தெய்வம்’, ‘திருடன்’, ‘தவப்புதல்வன்’, ‘வசந்த மாளிகை’, ‘நீதி’, ‘பாரத விலாஸ்’, ‘ராஜராஜ சோழன்’, ‘பொன்னூஞ்சல்’, ‘என் அண்ணன்’, ‘இதயவீணை’ உள்ளிட்ட ஏராளமான தமிழ் படங்களிலும், தெலுங்கு, மலையாளம், கன்னடம் போன்ற மொழி திரைப்படங்களிலும் முக்கியமான கதாபாத்திரங்களில் நடித்துள்ளார்.
திரையுலகில் இருந்து விலகிய பின் “தெய்வமகள்” என்ற சீரியலில் நடித்து ரசிகர்களின் அன்பை பெற்றார். காலப்போக்கில், வயது மூப்பு காரணமாக உடல்நலக்குறைவு ஏற்பட்டு பெங்களூருவில் உள்ள தனது மகளுடன் தங்கியிருந்தார்.. இந்நிலையில் அவர், நேற்று திடீரென நெஞ்சு வலியால் பாதிக்கப்பட்டு, அங்குள்ள தனியார் மருத்துவமனையில் சிகிச்சைக்கு அனுமதிக்கப்பட்டார். ஆனால், சிகிச்சை பலனின்றி அவர் உயிரிழந்தார்.
சிஐடி சகுந்தலாவின் மறைவுக்கு திரையுலகத்தின் பல்வேறு பிரபலங்கள் இரங்கல் தெரிவித்து வருகின்றனர்.
ADVERTISEMENT
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
