ஹேமா கமிட்டி அறிக்கை.. செய்தியாளர் கேள்விக்கு கடுப்பான ஜீவா..!
தேனியில் மதுரை சாலையில் புதிதாக ஜவுளி கடை திறப்பு விழா இன்று நடைப்பெற்றுள்ளது. இந்த விழாவிற்கு சிறப்பு விருந்தினராக நடிகர் ஜீவா வருகை தந்து கடையை திறந்து வைத்தார்.
பின்னர் செய்தியாளர்களை சந்தித்த அவரிடம் ஹேமா கமிட்டி அறிக்கை குறித்து கேள்வி எழுப்ப பட்டது. இதற்கு பதில் அளித்த அவர் இச்சம்பவம் குறித்து எனக்கு எதும் தெரியாது என்றும் தெனாவட்டு திரைப்படத்தின் படப்பிடிப்புக்கு பிறகு தேனிக்கு வந்திருப்பதாகவும், இது போன்ற நிகழ்ச்சிகளில் இதுமாதிரியான கேள்விகள் கேட்பதை தவிர்க்க வேண்டும் என்றும் கூறினார்.
அதன்பிறகும் மீண்டும் இதுதொடர்பாக இன்னொரு கேள்வி கேட்கப்பட்டது. இதனால் கடுப்பான ஜீவா செய்தியாளர் ஒருவரை பார்த்து ”அறிவு இருக்க? எந்த இடத்தில் வந்து இதுமாதிரியான கேள்வி கேட்கிறாய்? என்று கோபத்துடன் திட்டியுள்ளார்.
இதனால் நடிகர் ஜீவாவுக்கு செய்தியாளருக்கும் இடையே வாக்குவாதம் ஏற்பட்டது. இதனால் தேனியில் பரபரப்பை ஏற்படுத்தியது.
