என்னது அடுத்த தளபதி இவரா?… கோட் படத்திலேயே சொல்லிடாங்களா..!
நடிகர் விஜய் நடிப்பில் வெங்கட்பிரபு இயக்கத்தில் உருவாகியுள்ள கோட் திரைப்படம் பெரும் எதிர்பார்ப்புகளுக்கு மத்தியில் கடந்த 5ஆம் தேதி உலகம் முழுவதும் பிரமாண்டமாக வெளியானது.
யுவன் சங்கர் ராஜா இசையமைத்துள்ள இப்படத்தில் பிரஷாந்த், அஜ்மல், பிரபுதேவா, சினேகா, லைலா, மீனாட்சி சௌத்ரி, யோகி பாபு என பெரிய நட்சத்திர பட்டாளமே நடித்துள்ளனர். பல்வேறு எதிர்பார்ப்புகளுக்கு மத்தியில் வெளியான இப்படம் கலவையான விமர்சனத்தை பெற்றாலும் வசூலை பொறுத்தவரையில் லாபத்தை பெற்று வருகிறது.
இந்தநிலையில் இப்படத்தில், அடுத்த தளபதி யார் என்பதை குறித்து மறைமுகமாக வெங்கட் பிரபு கூறியுள்ளார். அதாவது, குறிப்பிட்ட காட்சி ஒன்றில், நடிகர் சிவகார்த்திகேயன் கேமியோவாக நடித்திருக்கும் அந்த காட்சியில், விஜயிடம் டயலாக் பேசும் சிவகார்த்திகேயன், “நீங்க முக்கியமான விஷயத்துக்காக போறீங்க.. நான் இத பாத்துக்குறேன்” என்று கூறுவார்.
இது அரசியல் செல்ல இருக்கும் விஜயிடம் நீங்கள் அரசியல் என்ற முக்கியமான விஷயத்துக்காக போறீங்க.. நான் சினிமாவ பாத்துக்குறேன் என்று கூறுவது போல், இந்த வசனம் இடம் பெற்று உள்ளதாக நெட்டிசன்கள் இதுதொடர்பான மீம்ஸ்களை, இணையத்தில் வைரலாக்கி வருகின்றனர்.
