“ரஜினியுடன் பிரச்சனையா” – நிரூபர் கேள்விக்கு பதில் தந்த சத்யராஜ்!
ரஜினிகாந்த் – சத்யராஜ்
சூப்பர் ஸ்டார் என்று அழைக்கப்படும் ரஜினிகாந்தும், புரட்சி தமிழர் என்று அழைக்கப்படும் சத்யராஜ்-ம், தமிழ் சினிமாவின் சிறந்த நடிகர்கள் என்று கூறலாம்.
இவர்கள் இரண்டு பேரும், 3 முகம், மிஸ்டர் பாரத் போன்ற படங்களில் ஒன்றாக நடித்துள்ளனர். ஆனால், இந்த படங்களுக்கு பிறகு, இவர்கள் இருவரும் இணைந்து பயணிக்கவே இல்லை.
இரண்டு முறை அழைத்த ஷங்கர்:
இவ்வாறு இவர்கள் இரண்டு பேரும் இணைந்து நடிக்காததற்கு, வாய்ப்புகள் அமையவில்லை என்பது தான் காரணம் என்று ரசிகர்கள் நம்பினர்.
ஆனால், ஷங்கரின் சிவாஜி, எந்திரன் ஆகிய இரண்டு திரைப்படங்களில், ரஜினிக்கு வில்லனாக நடிப்பதற்கு, ஷங்கர் சத்தியராஜிடம் பேசியிருந்தார். ஆனால், அந்த இரண்டு முறையும், நடிப்பதற்கு மறுத்துவிட்டார்.
பெரிய படம், பெரிய இயக்குநர் அழைத்தும் சத்தியராஜ் வராததால், ரஜினிக்கும், இவருக்கும் இடையே, தகராறு இருப்பது உண்மை தான் போல என்று கிசுகிசுக்கப்பட்டது.
கூலியில் இணைந்த புரட்சி தமிழர்:
இந்த மாதிரி, பல ஆண்டுகளாக, இருவருக்கும் இடையே தகராறு உள்ளது என்று சினிமா பத்திரிகையாளர்கள் தொடர்ச்சியாக கூறி வந்தனர். ஆனால், இந்த கிசுகிசுக்களை தவிடுபொடியாக்கும் வகையில், புதிய தகவல் ஒன்று தற்போது வந்தது.
அதாவது, இயக்குநர் லோகேஷ் கனகராஜ் இயக்கத்தில், ரஜினிகாந்த் நடிப்பில் கூலி என்ற படத்தை இயக்க உள்ளார். இந்த படத்தில், முக்கிய கதாபாத்திரத்தில் நடிப்பதற்கு, சத்தியாஜ் அணுகப்பட்டுள்ளார்.
தற்போது பேட்டி கொடுத்த சத்யராஜ்:
இந்நிலையில், தற்போது நடிகர் சத்யராஜ் செய்தியாளர்களை சந்தித்தார். அப்போது, உங்களுக்கும், ரஜினிக்கும் பிரச்சனை இருப்பது உண்மையா? என்று கேள்வி கேட்கப்பட்டது.
அதற்கு பதில் அளித்த அவர், “எனக்கும், ரஜினிக்கும் பிரச்சனை இருப்பதாக வந்த தகவல் உண்மையில்லை. அவ்வாறு யார் புரளியை கிளப்பினார்கள் என்று தெரியவில்லை” என்று கூறினார்.
தொடர்ந்து பேசிய அவர், “ரஜினியுடன் இணைந்து நடிப்பதில் எனக்கு எந்த பிரச்சனையும் இல்லை. மிஸ்டர் பாரத் படத்தில், எனக்கு வலுவான கதாபாத்திரம் வழங்கப்பட்டது.
ஆனால், சிவாஜி, எந்திரன் படங்களில், அதுமாதிரி வலுவான கதாபாத்திரம் இல்லாததால், நான் அந்த படங்களில் நடிக்கவில்லை” என்று கூறி, பல ஆண்டு கிசுகிசுவுக்கு முடிவு கட்டினார்.
-பவானிகார்த்திக்
