இந்தியாவின் முதல் பிரதமரான ஜவஹர்லால் நேரு அவர்களின் பிறந்த நாளை ஒட்டி காங்கிரஸ் கட்சியின் முக்கிய தலைவர்கள் நேருவின் நினைவிடத்தில் மரியாதை செலுத்தினர். மறைந்த முன்னாள் பிரதமர் ஜவஹர்லால் நேரு பிறந்த நாள் நாடு முழுவதும் குழந்தைகள் தினமாக கொண்டாடபட்டு வருகிறது.
இந்நிலையில், டெல்லியில் உள்ள சாந்தி வனத்தில் அமைத்துள்ள ஜவஹர்லால் நேருவின் நினைவிடத்தில் ஐக்கிய முற்போக்கு கூட்டணி தலைவர் சோனியா காந்தி மற்றும் அகில இந்திய காங்கிரஸ் கட்சியின் தலைவர் மல்லிகார்ஜூன கார்கே மலர்களை தூவி அஞ்சலி செலுத்தினர். மேலும் பல முக்கிய தலைவர்கள் நேருவின் நினைவிடத்தில் அஞ்சலி செலுத்தி வருகின்றனர்.
இது குறித்து அகில இந்திய காங்கிரஸ் கட்சியின் தலைவர் மல்லிகார்ஜூன கார்கே தனது ட்விட்டர் தளத்தில் ஒரு பதிவை பகிர்ந்துள்ளார் அதில், பண்டித் நேரு புதிய இந்தியாவை உருவாக்கியவர் 21ம் நூற்றாண்டில் அவரது பங்களிப்பு மிக முக்கியமானதாக உள்ளது அவரது வளர்ச்சிகர எண்ணங்கள், சவாலான சூழலிலும் சமூக, அரசியல் மற்றும் பொருளாதாரத்தில் இந்தியா முன்னேற்றம் அடைய வழிவகுத்தது கூறினார். மேலும் ஜனநாயகத்தின் வெற்றியாளர் உண்மையான தேசப்பற்றாளருக்கு என அஞ்சலி தெரிவித்துள்ளார்.
