வழிப்பறியில் ஈடுப்பட்ட மர்ம நபர்கள்.. சந்தேகத்தின் பேரில் போலீஸ் விசாரணை..!
கோவை, சூலூா் கண்ணம்பாளையம் பகுதியைச் சோ்ந்தவா் தமிழ்ச்செல்வன் (22). இவா் வெளிநாட்டில் உள்ள தனியாா் நிறுவனத்தில் பணியாற்றி வருகிறாா்.
இந்தநிலையில், கடந்த 2 மாதங்களுக்கு தனது சொந்த ஊருக்கு வந்த இவா், தனது நண்பா் அஸ்கா் என்பவருடன் வாலாங்குளம் பகுதிக்கு கடந்த வெள்ளிக்கிழமை சென்றுள்ளாா்.
அப்போது, அங்கு திடீரென வந்த 3 போ் தமிழ்ச்செல்வனை வழிமறித்து மிரட்டி அவரது போனிலிருந்து ரூ.2,800 வாங்கியுள்ளனர். மேலும், அவரை உக்கடம் பிரதான சாலைக்கு காரில் கடத்திச் சென்றதுடன், அவா் அணிந்திருந்த இரண்டரை பவுன் தங்கச் சங்கிலியை பறித்துக் கொண்டு தப்பியுள்ளனா்.
இது குறித்து ரேஸ்கோா்ஸ் காவல் நிலையத்தில் தமிழ்ச்செல்வன் புகார் அளித்தார். அதன்பேரில் வழக்குப் பதிவு செய்த போலீஸாா், சந்தேகத்தின் பேரில் 3 பேரை பிடித்து திவீர விசாரணை நடத்தி வருகின்றனா்.
-பவானி கார்த்திக்
