உங்கள் ஊர் செய்திகள் உங்கள் பார்வைக்காக…!! களத்தில் மதிமுகம்…!!
திருப்பரங்குன்றம் அருள்மிகு சுப்பிரமணிய சுவாமி கோவிலில் ஆண்டுதோறும் தை மாதத்தில் 10 நாட்கள் தெப்பத்திருவிழா கொண்டாடப்பட்டு வருகிறது. அதே போல இந்த ஆண்டு தெப்பத்திருவிழா கொடியேற்றத்துடன் தொடங்கியது. அதன் பின்னர் பூதவாகனம், அன்ன வாகனம் உள்ளிட்ட பல்வேறு வாகனங்களில் சுவாமி எழுந்தருளி வீதிஉலா வந்து பக்தர்களுக்கு அருள் பாலிக்கிறார். விழாவின் முக்கிய நிகழ்வான சூரசம்காரம் வருகின்ற பிப்ரவரி 7ம் தேதி இரவு சொக்கநாதர் கோவில் முன்பு நடைபெறும் என கோவில் நிர்வாகம் தெரிவித்துள்ளது.
விருதுநகர் மாவட்டம் சதுரகிரி சுந்தரமகாலிங்கம் கோவிலில் பிரதோஷம் மற்றும் தை அமாவாசையை முன்னிட்டு தமிழகத்தின் பல்வேறு மாவட்டங்களில் இருந்தும் வெளி மாநிலங்களில் இருந்தும் வருகை புரிந்த ஆயிரக்கணக்கான பக்தர்கள் சாமி தரிசனம் செய்தனர்.மேலும் பக்தர்களின் வசதிக்காக தேனி மதுரை திருநெல்வேலி ராஜபாளையம் விருதுநகர் ஸ்ரீவில்லிபுத்தூர் உள்ளிட்ட பகுதிகளிலிருந்து அரசு போக்குவரத்து கழகத்தின் சார்பில் சிறப்பு பேருந்துகள் இயக்கப்பட்டன.
மயிலாடுதுறை மாவட்டம் மன்னன்பந்தல் கிராம நிர்வாக அலுவலரான திருமலைசங்கு என்பவரை காரணமின்றி பணியிட மாறுதல் செய்ததை ரத்து செய்யக் கோரி ஊழியர் விரோத போக்கை கடைபிடிக்கும் மயிலாடுதுறை வருவாய் கோட்டாட்சியரைக் கண்டித்தும் மயிலாடுதுறை வருவாய் கோட்டாட்சியர் அலுவலகம் வாயிலில் தமிழ்நாடு கிராம நிர்வாக அலுவலர்கள் சங்கத்தினர் காத்திருப்பு போராட்டத்தில் ஈடுபட்டனர். இதில் 200 ற்கும் மேற்பட்ட கிராம நிர்வாக அலுவலர்கள் கலந்து கொண்டு கோரிக்கைகளை நிரைவேற்ற வலியுறுத்தி கண்டன உரையாற்றினர்.
ராணிப்பேட்டை மாவட்டம் வாலாஜா அரசு தலைமை மருத்துவமனை வளாகத்தில் தொழுநோய் குறித்த விழிப்புணர்வு பேரணி நடைபெற்றது. இந்த பேரணியை ராணிப்பேட்டை மாவட்ட ஆட்சியர் சந்திரகலா துவங்கி வைத்தார். இதில் ஏராளமான மாணவ மாணவிகள் கலந்து கொண்டு நகரின் முக்கிய வீதிகளின் வழியாக சென்று பொது மக்களிடையே விழிப்புணர்வை ஏற்படுத்தினர்.
திருப்பூர் மாநகர காவல் ஆணையாளராக ராஜேந்திரன் கடந்த 20 நாட்களுக்கு முன்பு பதவி ஏற்றார். அதனை தொடர்ந்து மாநகரின் பல்வேறு பகுதிகளிலும் பாதுகாப்பு ஏற்பாடுகள் குறித்து நேரில் சென்று ஆய்வு மேற்கொண்டு வருகிறார். அந்த வகையில் திருப்பூர் அரசு மருத்துவக் கல்லூரி மருத்துவமனையில் நேரில் ஆய்வு மேற்கொண்டார். இதனை அடுத்து மருத்துவக்கல்லூரி மருத்துவமனையின் முதல்வர் முருகேசனிடம் பாதுகாப்பு ஏற்பாடுகள் மற்றும் செய்யப்பட வேண்டிய மாற்றங்கள் குறித்து கேட்டறிந்தார்.
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
