கிராமத்து ஸ்டைலில் அரைத்து வைத்த மீன் குழம்பு..!

கிராமத்து ஸ்டைலில் அரைத்து வைத்த மீன் குழம்பு..!

• ஒரு கிலோ மீன்
• எண்ணெய்
• பத்து பூண்டு
• எட்டு சின்ன வெங்காயம்
• ஒரு ஸ்பூன் சோம்பு
• ஒரு ஸ்பூன் மிளகு
• ஒரு ஸ்பூன் சீரகம்
• 2 டேபிள் ஸ்பூன் மிளகாய்த்தூள்
• 3 டேபிள் ஸ்பூன் மல்லித்தூள் ஒரு தக்காளி
• உப்பு
• புளி
• அரைக்கப் தேங்காய் துருவல்

• எண்ணெய்
• அரை டீஸ்பூன் வெந்தயம்
• ஒரு டீஸ்பூன் கடுகு
• 15 சின்ன வெங்காயம்
• 11/2 ஸ்பூன் இஞ்சி பூண்டு விழுது
• கருவேப்பிலை
• இரண்டு பச்சை மிளகாய்
• கால் டீஸ்பூன் மஞ்சள்தூள்
• ஒரு டீஸ்பூன் மிளகாய்த்தூள்

செய்முறை:

• மீனை நன்றாக சுத்தம் செய்து கழுவிக் கொள்ள வேண்டும்.
• ஒரு வாணலை அடுப்பில் வைத்து எண்ணெய் சேர்த்து சூடானதும் அதில் நறுக்கிய வெங்காயம், பூண்டு ஆகியவற்றை சேர்த்து வதக்க வேண்டும்.
• வதங்கியதும் சீரகம், மிளகு, சோம்பு சேர்த்து தாளித்து பின் மிளகாய்த்தூள், மல்லித்தூள் சேர்த்து வதக்க வேண்டும்.
• பின் நறுக்கிய தக்காளி, கறிவேப்பிலை சேர்த்து வதக்க வேண்டும்.
• அடுத்ததாக துருவிய தேங்காய் சேர்த்து வதக்க வேண்டும்.
• வதக்கியவற்றை ஒரு தட்டில் மாற்றி ஆறவைக்க வேண்டும். பின் ஒரு மிக்ஸி ஜாரில் சேர்த்து அரைத்துக் கொள்ள வேண்டும்.
• அரைத்தவற்றை ஒரு பாத்திரத்தில் மாற்றி அதில் புளிக்கரைசலை சேர்த்து தேவையான அளவில் உப்பு சேர்த்து கரைத்துக் கொள்ள வேண்டும்.
• ஒரு வாணலை அடுப்பில் வைத்து எண்ணெய் ஊற்றவும் எண்ணெய் சூடானதும் கடுகு, வெந்தயம் சேர்த்து தாளித்துக் கொள்ள வேண்டும்.
• பின் நறுக்கிய வெங்காயம், கறிவேப்பிலை சேர்த்து வதக்க வேண்டும்.
• அடுத்ததாக இஞ்சி பூண்டு விழுது, பச்சை மிளகாய் ஆகியவற்றை சேர்த்து வதக்க வேண்டும்.
• பின் மஞ்சள்தூள், மிளகாய்த்தூள், புளிக்கரைசல் தேவையான அளவு தண்ணீர் சேர்த்து கொதிக்க வைக்க வேண்டும்.
• குழம்பு சுண்டி வந்ததும் சுத்தம் செய்து வைத்துள்ள மீன் சேர்த்து ஐந்து நிமிடங்களுக்கு வேகவைத்து எடுக்கவும்.
• கடைசியாக கறிவேப்பிலை, சின்ன வெங்காயம் ஆகியவற்றை சேர்த்து வதக்கி பின் குழம்பில் சேர்த்து கலந்து இறக்க வேண்டும்.
• அவ்வளவுதான் அரைத்து வைத்த மீன் குழம்பு சுவையாக தயார்.

shanthi