ஆபாச வீடியோக்கள் லீக்..! பிரஜ்வல் ரேவண்ணா கைது..! நள்ளிரவில் நடந்தது என்ன..?
கர்நாடக மாநிலத்தில் பாலியல் வழக்கில் சிக்கி வெளிநாட்டிற்கு தப்பி சென்ற ஹாசன் தொகுதி எம்பி பிரஜ்வல் ரேவண்ணாவை சிறப்பு புலனாய்வு பிரிவு காவல்துறையினர் பெங்களூரு கெம்பேகவுடா சார்வதேச விமான நிலையத்தில் நள்ளிரவு கைது செய்துள்ளனர்னர்.
முன்னாள் பிரதமர் தேவகவுடாவின் பேரானான எம்.பி பிரஜ்வல் ரேவண்ணா இவர் பல பெண்களை பாலியல் வன்கொடுமை செய்து அதை வீடியோவாக எடுத்து அதை இணையத்தில் வைரலாக பரப்பியுள்ளார். குறிப்பாக வீட்டு வேலை செய்த பணி பெண்ணை பாலியல் வன்கொடுமை செய்து அந்த வழக்கில் சிக்கியுள்ளனர்.
இந்த பாலியல் குற்றச்சாட்டில் பிரஜ்வல் ரேவண்ணா மற்றும் அவரது தந்தையும் சிக்கினார்கள். ஆனால் கடந்த ஏப்ரல் 27ம் தேதி பிரஜ்வல் ரேவண்ணா அவரது டிப்ளோமேடிக் பாஸ்போர்ட்டை பயன்படுத்தி ஜெர்மனிக்கு தப்பி சென்றார்.
பிரஜ்வல் ரேவண்ணா பாலியல் வழக்கில் சிக்கிய பின் மஜதவிலிருந்து சஸ்பெண்ட் செய்யப்பட்டார். பின் அவரை வெளிநாட்டிலிருந்து இந்தியாவிற்கு அழைத்து வந்து கைது செய்ய பல்வேறு நடவடிக்கைகள் மேற்கொள்ளப்பட்டது. அதன் பின் நீதிமன்ற உத்தரவின் படி பிரஜ்வலுக்கு பிடிவாரண்ட் மற்றும் ப்ளூ கார்னர் நோட்டீஸ் வெளியிட்டிருந்தது.
அதனை தொடர்ந்து பிரஜ்வலின் டிப்ளோமேடிக் பாஸ்போர்ட்டை ரத்து செய்ய வேண்டுமென கர்நாடக முதல்வர் சித்தராமையா இரண்டு முறை பிரதமர் நரேந்திர மோடிக்கு கடிதம் எழுதினார். எஸ்.ஐ.டியும் வெளியுறவு அமைச்சகத்திற்கு கடிதம் எழுதியிருந்தது.
அதன் பின் மாநில அரசும், எஸ்.ஐ.டியும் கொடுத்த அழுத்தத்தினால், வெளியுறவு அமைச்சகம், பிரஜ்வல் ரேவண்ணாவின் பாஸ்போர்ட்டை ஏன் ரத்து செய்யக்கூடாது. அதற்கான விளக்கம் கேட்டு ஷோகாஸ் நோட்டீஸ் அனுப்பியிருந்தது.
அதன் பின்னரே மே 31ம் தேதி எஸ்.ஐ.டி விசாரணைக்கு ஆஜராவதாக ஒப்புக்கொண்டதாக பிரஜ்வல் ரேவண்ணா கடந்த 27ம் தேதி வீடியோ வெளியிட்டிருந்தார். அதன்படி, நேற்று ஜெர்மனியின் முனிச் நகரிலிருந்து விமானம் மூலம் பெங்களூர் சென்று விட்டதாக எஸ்ஐடிக்கு தகவல் கிடைத்தது.
ரேவண்ணா பயணம் செய்த விமானம், பெங்களூர் கெம்பேகவுடா சர்வதேச விமான நிலையத்திற்கு நள்ளிரவு 12.40 மணிக்கு வந்து சேர்ந்தது. அதன் பின் பிரஜ்வல் ரேவண்ணாவை, விமான நிலையத்தில் வைத்தே சிறப்பு புலனாய்வு படை போலீசார் நள்ளிரவு 1.09 மணி அளவில் கைது செய்து சிஐடி அலுவலகத்திற்கு அழைத்து சென்றனர்.
இன்று நாள் முழுவதும் பிரஜ்வல் ரேவண்ணாவின் எஸ்ஐடி அதிகாரிகள் விசாரிக்க உள்ளனர். பாலியல் வன்கொடுமை புகாரில் 35 நாட்களுக்கு பின் பிரஜ்வல் ரேவண்ணா கைது செய்யப்பட்டுள்ளார். என்பது குறிப்பிடதக்கது.
– லோகேஸ்வரி.வெ
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
