ADVERTISEMENT
புத்தாண்டில் விஜயகாந்த் நினைவிடத்தில் விஜயகாந்த்தின் குடும்பம் அஞ்சலி செலுத்தினர்…
புத்தாண்டில் விஜயகாந்த் நினைவிடத்தில் பிரேமலதா விஜயகாந்த் மற்றும் அவரது இரு மகன்கள் அஞ்சலி செலுத்தினர்.
தேமுதிக தலைவரும், நடிகருமான விஜயகாந்த் உடல்நலக் குறைவால் கடந்த 28-ந்தேதி காலமானார். இதைத் தொடர்ந்து இரண்டு நாட்கள் பொதுமக்கள் அஞ்சலிக்கு வைத்ததற்கு பின்பாக கோயம்பேட்டில் உள்ள தேமுதிகவின் தலைமை அலுவலக வளாகத்தில் அவரது உடல் நல்லடக்கம் செய்யப்பட்டது.
கேப்டன் விஜயகாந்தின் உடல் நல்லடக்கம் செய்யப்பட்ட இடத்தில் பொதுமக்கள் நேரில் வந்து அஞ்சலி செலுத்தலாம் என பிரேமலதா விஜயகாந்த் தெரிவித்திருந்தார்.
இந்நிலையில் புத்தாண்டை முன்னிட்டு விஜயகாந்த் நினைவிடத்தில் பிரேமலதா விஜயகாந்த் மற்றும் அவரது இரு மகன்கள் கண்ணீர் மல்க அஞ்சலி செலுத்தினர்.
அதைதொடர்ந்து, விஜயகாந்த் நினைவிடத்தில் பொதுமக்களும் தொடர்ந்து அஞ்சலி செலுத்திய வண்ணம் உள்ளனர். அஞ்சலி செலுத்த வந்த பொதுமக்களுக்கு பிரேமலதா விஜயகாந்த் அன்னதானம் வழங்கினார்.
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
