விவேகானந்தர் பாறையில் பிரதமர் மோடி தியானம்! ஹைகோர்ட்டில் காங்கிரஸ் தொடர்ந்த வழக்கு..!
இன்று பிரதமர் மோடி திருவனந்தபுரத்தில் இருந்து ஹெலிகாப்டர் மூலமாக வான்வழி பயணம் மேற்கொள்ளும் பிரதமர், கன்னியாகுமரி அரசு விருந்தினர் மாளிகையில் அமைக்கப்பட்டுள்ள ஹெலிகாப்டர் இறங்குதளத்தில் வந்து இறங்குகிறார்.
அங்கிருந்து கார் மூலம் அருகில் உள்ள பூம்புகார் கப்பல் போக்குவரத்து கழக வளாகத்திற்கு செல்லும் பிரதமர் மோடி, பின்னர் கடல் நடுவே உள்ள விவேகானந்தர் நினைவு மண்டபத்திற்குத் தனி படகு மூலம் செல்கிறார்.
அதனை தொடர்ந்து நாளை அதிகாலை முதல் தொடர்ந்து மூன்று நாட்களுக்கு தியானம் மேற்கொள்ள இருக்கிறார். அதாவது வாக்குகள் எண்ணப்படுவதற்கு முன்தினம் வரை.
இந்நிலையில் காங்கிரஸ் வழக்கறிஞர் சூரிய பிரகாசம், சென்னை உயர் நீதிமன்ற தலைமைப் பதிவாளருக்கு மனு ஒன்றை அனுப்பியுள்ளார். அதில் அவர் குறிப்பிட்டிருப்பதாவது பிரதமர் நரேந்திர மோடி, இன்று முதல் ஜூன் 1ம் தேதி வரை கன்னியாகுமரி விவேகானந்தர் பாறையில் தியானம் மேற்கொள்ளள இருப்பதாக தெரிவித்துள்ளார்.
மக்களவைக்கான கடைசி கட்ட தேர்தல் நடைபெற உள்ள நிலையில் வாக்கு சேகரிக்கும் உள்நோக்கத்தில் பிரதமர் நரேந்திர மோடி, தனது அதிகாரத்தை துஷ்பிரயோகம் செய்துள்ளார், அதை தடுக்க நடவடிக்கை மேற்கொள்ளும் படி தேர்தல் ஆணையத்துக்கு உத்தரவிட வலியுறுத்துமாறு அந்த மனுவில் குறிப்பிட்டுள்ளார்.
மேலும் விவேகானந்தர் பாறை, பகவதியம்மன் கோவிலுக்கு செல்லும் பக்தர்களை தடுக்க கூடாது, வியாபாரிகள் கடைகளை மூடும்படி வற்புறுத்தக் கூடாது எனவும் காங்கிரஸ் வழக்கறிஞர் அணி தரப்பில் சென்னை உயர் நீதிமன்றத்தில் வழக்கு தாக்கல் செய்த போது, பதிவுத்துறை அதை ஏற்க மறுத்து விட்டதாகவும் குறிப்பிட்டுள்ளார்.
மேலும் சுற்றுலா பயணிகளின் நலனை பாதுகாக்கும் வகையில், இந்த வழக்கை தாக்கல் செய்ய அனுமதி அளிக்க வேண்டும். அல்லது, உயர் நீதிமன்றம் இந்த மனுவின் அடிப்படையில் தாமாக முன்வந்து வழக்கை விசாரணைக்கு எடுத்துக் கொள்ள வேண்டும் எனவும் அந்த மனுவில் கோரிக்கை விடுத்துள்ளார்.
– லோகேஸ்வரி.வெ
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..