பிரதமர் மோடிக்கு நச்சுனு பதிலடி கொடுத்த ராகுல் காந்தி…
மும்பை பொதுக்கூட்டத்தில் சக்தி குறித்து ராகுல் பேசியதை பிரதமர் மோடி திசை திருப்பி பேசியதற்கு ராகுல் பதிலடி கொடுத்துள்ளார்.
காங்கிரஸ் மூத்த தலைவர் ராகுல்காந்தி மேற்கொண்ட இந்திய ஒற்றுமை நீதி யாத்திரை நிறைவு நாள் பொதுக்கூட்டம் மும்பையில் நடைபெற்றது. இதில் இந்தியா கூட்டணியை சேர்ந்த 28கட்சிகளின் தலைவர்கள் பங்கேற்றனர். இந்த கூட்டத்தில் பேசிய ராகுல்காந்தி,’பிரதமர் மோடிக்கு எதிரான போராட்டம் தனிப்பட்ட அளவில் இல்லை.
ஏனெனில் மோடி ஒரு சக்திக்காக வேலை செய்யும் முகமூடி என்றும், நாங்கள் ஒரு ‘சக்தி’ அதிகாரத்திற்க்கு எதிராக போராடுகிறோம்’ என சக்தி என்பதை அதிகாரம் என்று குறிப்பிட்டு ராகுல் காந்தி பேசினார்.
ஆனால், சக்தியை தெய்வ வடிவமாக பிரதமர் மோடி திசை திருப்பி சர்ச்சையை ஏற்படுத்தினார்.
இதனைதொடர்ந்து, மோடியின் பேச்சு குறித்து ராகுல் பதிலடி கொடுத்துள்ளார். அவர் கூறுகையில்,’பிரதமர் மோடி எனது வார்த்தைகளை திரித்து பேசியுள்ளார். அவர் எப்போதும் போல் ஏதாவது ஒரு வழியில் அவற்றைத் திரித்து அர்த்தத்தை மாற்ற முயற்சிக்கிறார். எதிர்க்கட்சித் தலைவர்களின் அறிக்கைகளை திரித்து பொதுமக்களின் கவனத்தை திசை திருப்புவதுதான் பிரதமரின் முன்னுரிமை பணியாக உள்ளதாக ராகுல் காந்தி குற்றம்சாட்டியுள்ளார்.
