தலைதூக்கி நிற்கும் கள்ளச்சாராய ஊறல்..!! போதை ஆசாமிகளுக்கு போலிஸ் வலைவீச்சு..!!
கள்ளக்குறிச்சி உட்கோட்ட தனிப்பிரிவு உதவி ஆய்வாளர் தலைமையிலான காவலர்கள் 800 லிட்டர் கள்ளச்சாராயத்தை ஊற்றி அளிதத்தனர்
நீங்கள் என்னதான் செஞ்சாலும் நாங்க சாராயம் காய்ச்சுவோம் என தொடரும் கள்ளச்சாராய ஊறல்..
கள்ளக்குறிச்சி மாவட்டத்தில் சமீபத்தில் கருணாபுரத்தில் கள்ளச்சாராயம் குடித்து 68 க்கும் மேற்பட்டோர் இறந்துள்ளனர். அதுமட்டுமின்றி 200 க்கும் மேற்பட்டோர் ஆஸ்பத்திரியில் அனுமதித்து சிகிச்சை பெற்று வந்தனர்.
அதன் படி கள்ளச்சாராயம் காய்ச்சியர்களை கைது செய்து வழக்கும் நடைபெற்று வருகிறது. இருப்பினும் எதுவும் நடக்காமல் இருப்பது போன்று மீண்டும் கல்வராயன்மலையில் தலைதூக்கி நிற்கிறது கள்ளச்சாராய ஊறல்.
அதன்படி கள்ளக்குறிச்சி மாவட்ட காவல் கண்காணிப்பாளர் ரஜத் சதுர்வேதி, உத்தரவுப்படி கள்ளக்குறிச்சி உட்கோட்ட தனிப்பிரிவு உதவி ஆய்வாளர் குணசேகர் மற்றும் காவலர்கள் கல்வராயன்மலை பகுதியில் தேடுதல் வேட்டையில் ஈடுபட்டபோது வண்டகப்பாடி ஓடை அருகே கள்ளச்சாராயம் காய்ச்ச பயன்படும் புளித்த சாராய ஊரல் 200 லிட்டர் அளவு பிடிக்கக்கூடிய 04 பேரல்களில் சுமார் 800 லிட்டர் சாராய ஊரல் மற்றும் 3 பிளாஸ்டிக் குடங்களில் இருந்த 10 லிட்டர் சாராயம் ஆகியவற்றை கண்டுபிடித்து சம்பவ இடத்திலேயே கொட்டி அழிக்கப்பட்டது. மேலும் இக்குற்ற செயலில் ஈடுபட்ட குற்றவாளிகளை காவல்துறையினர் தீவிரமாக தேடி வருகின்றனர் குறிப்பிடத்தக்கது.
சத்யா.கே
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
