கழிவறையில் ரகசிய கேமரா… மாணவிகள் அதிர்ச்சி..!
ஆந்திரா மாநிலம் கிருஷ்ணா மாவட்டத்தில் உள்ள குடிவாடா பகுதியில், பொறியியல் கல்லூரி ஒன்று செயல்பட்டு வருகிறது. இந்த கல்லூரியில் உள்ள பெண்கள் கழிவறையில், ரகசிய கேமரா ஒன்று இருந்துள்ளது.
இதனை கண்டுபிடித்த மாணவிகள், ரகசிய கேமராவை வைத்தது யார் என்பதை கண்டறிய போராட்டத்தில் ஈடுபட்டு வருகின்றனர். இதுகுறித்து பேசியுள்ள அதிகாரிகள், ரகசியமாக அந்த கேமரா வைக்கப்பட்டுள்ளது என்றும், அந்த கேமராவின் மூலமாக பெறப்பட்ட வீடியோக்கள், ஒருசில மாணவர்களுக்கு விற்கப்பட்டதாகவும் தெரிவித்துள்ளனர்.
இச்சம்பவம் வழக்கு பதிவு செய்த போலீசார் இதுதொடர்பாக, பிடெக் இறுதியாண்டு படிக்கும் ஆண்கள் விடுதியைச் சேர்ந்த மூத்த மாணவர் ஒருவரை போலீசார் கைது செய்துள்ளனர். அவரது லேப்டாப் பறிமுதல் செய்து திவீர விசாரணை மேற்க்கொண்டனர்.
மாணவிகளின் கழிவறையில், ரகசிய கேமரா இருந்த சம்பவம், அப்பகுதியில் பெரும் பரபரப்பை ஏற்படுத்தியுள்ளது.
-பவானி கார்த்திக்
