பேனாவால் மூதாட்டிக்கு நேர்ந்த கொடூரம்..! மர்ம நபருக்கு போலீஸ் வலை வீச்சு..!
விருதுநகர் ராமமூர்த்தி சாலையை சேர்ந்தவர் வேலம்மாள் (77), அவரது கணவர் குருசாமி சில ஆண்டுகளுக்கு முன் இறந்து விட்டார். இதனால் தனியாக வசித்து வந்தார்.
இவரது மகள் லதா அவரை பராமரித்து வந்தார். இந்நிலையில் லதா இன்று பிற்பகல் வழக்கம்போல் உணவு கொடுத்துவிட்டு வீட்டுக்கு சென்று விட்டார்.
மாலை 5 மணியளவில் மீண்டும் தாயாரை பார்க்க சென்றுள்ளார். அப்போது தாயார் வேலம்மாள் உடலில் பல்வேறு இடங்களில் குத்து பட்டு இறந்த நிலையில் கிடந்துள்ளார்.
இதனையடுத்து லதா விருதுநகர் கிழக்கு காவல் நிலைய போலீசாரிடம் புகார் அளித்தார். போலீசார் சம்பவ இடத்தில் மோப்பநாயுடன் வந்து விசாரணை நடத்தினர்.
வயிறு, கழுத்து, கண் உள்ளிட்ட உடலில் பல்வேறு இடங்களில் யூஸ் அண்ட் த்ரோ பேனாவால் குத்திக் கொலை செய்யப்பட்டதும், பேண்ட்,சர்ட் அணிந்த
35 வயது மதிக்கத்தக்க நபர் ஒருவர் கடைசியாக வீட்டிற்கு சென்று வந்ததும் போலீஸ் விசாரணையில் தெரியவந்தது.
வீட்டில் எதுவும் திருடு போகவில்லை என்பதால் எதற்காக இந்த கொலை நடந்தது என்பது குறித்த உடனடியாக தகவல் இல்லை.
பேனாவால் உடலில் பல்வேறு இடங்களில் மூதாட்டி குத்தப்பட்டு கொலை செய்யப்பட்டிருப்பது அப்பகுதி மக்களை அதிர்ச்சியை ஏற்படுத்தியுள்ளது.
இது குறித்து விருதுநகர் கிழக்கு காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்.
-பவானி கார்த்திக்
