ஏ.ஆர் ரகுமான் பாடலுக்கு போட்டியாக வரும் மெய்யழகன் பாடல்..!
தமிழில் 96 படத்தை இயக்கிய இயக்குநர் பிரேம் குமார் அவர்கள் கார்த்தி, ராஜ்கிரண், அரவிந்த் சாமி, ஸ்ரீதிவ்யா, தேவதர்ஷினி ஆகியோரை வைத்து உருவாக்கியுள்ள திரைப்படம் தான் மெய்யழகன். இந்த படமானது வரும் செப்டம்பர் மாதம் 27 ஆம் தேதி திரைக்கு வெளியாக உள்ளது.
மெய்யழகன் படக் காட்சிகளை பார்க்கும்போது கிராமத்து வாசனை கொண்ட ஒரு படமாக திகழ்கிறது. தம்பிக்கும் அக்கா புருஷனான அத்தானுக்கும் நடக்கும் பாசப்போராட்டம் போன்ற கதை போல தெரிகிறது. குறிப்பாக இந்த படத்தில் கமலஹாசன் குரலில் கோவிந்த் வசந்தா இசையில் வரும் அந்த பாடலுக்கு அனைவரும் எதிர்பார்த்து கொண்டிருக்கிறார்கள்.
96 படமானது இயக்குநர் பிரேம் குமார் இயக்கத்தில் கோவிந்த் வசந்தா ஆகியோரின் இசையில் வெளியான பாடல்கள் அனைத்தும் பெரிய அளவில் ஹிட் கொடுத்து காதலர்களின் பெரும் பொக்கிஷமாக மாறியது. அதுபோல மெய்யழகன் படத்திலும் இவர்களின் இணைப்பில் வரும் பாடல்களுக்கு பெரும் எதிர்பார்ப்பு ரசிகர்களிடையே இருக்கிறது.
சமீபத்தில் வெளியான மெய்யழகன் படத்தில் டீசரில் கார்த்தி மற்றும் அரவிந்த சாமி மட்டுமே இருந்தனர். அடுத்ததாக வெளியான டிரெய்லரில் ராஜ்கிரண், தேவதர்ஷினி, ஸ்ரீதிவ்யா ஆகியோரும் இடம் பெற்று இருக்கிறார்கள். இந்த டிரெய்லரில் வரும் அரவிந்த் சாமி பாசத்தை தேடி வரவில்லை எனவும் வேறு எதையோ தேடி வந்திருப்பதாகவும் இயக்குநர் பதிய வைத்திருக்கிறார்.
இந்த வருடத்தில் ரசிகர்களை அதிகம் கவர்ந்த ஏ. ஆர் ரகுமான் போட்ட உசுரே நீதானே அந்த பாடலை விட கோவிந்த் வசந்தா இசையில் கமலஹாசன் குரலில் வரும் “பொய்யாகி தோற்று போகிறேன் மெய்யான உன் முன்னே” எனும் பாடல் ரசிகர்களை அதிகம் கவரக்கூடிய விதமாக அமையும் என எதிர்பார்க்கப்படுகிறது.
இந்த வாரத்தில் திரையரங்குகளில் பலவித தமிழ் படங்கள் வெளியாக உள்ள நிலையில் இருக்கிறது. இந்த வாரம் வெளியாகவுள்ள தேவரா மற்றும் மெய்யழகன் படத்திற்கு இடையில் தான் கடுமையான போட்டு நடக்கும் என எதிர்பார்க்கப்படுகிறது.
