சரிந்தது தங்கம் விலை.. அதுவும் கிராமுக்கு இவ்வளவா…!
சென்னை, தங்கம் விலை கடந்த சில மாதகங்களாகவே கிடுகிடுவென அதிகரித்து ஒரு சவரன் ரூ.55 ஆயிரத்தை கடந்தது. இதனால் நடுத்தர மற்றும் ஏழை, எளிய மக்களுக்கு எட்டாக் கனியாகிவிடும் என்று நினைக்கத் தோன்றும் அளவுக்கு தங்கத்தின் விலை அதிகரித்து வந்தது.
இந்த நிலையில், 2024-25-ம் ஆண்டுக்கான மத்திய பட்ஜெட் நாடாளுமன்றத்தில் தாக்கல் செய்யப்பட்டது. பட்ஜெட் தாக்கல் எதிரொலியாக கடந்த சில நாட்களாக தங்கம் விலை தொடர்ந்து சரிந்து வந்தது.
இதனால், நகை பிரியர்கள் மகிழ்ச்சி அடைந்தனர். இதையடுத்து நேற்று தங்கம் விலை சவரனுக்கு ரூ.400 உயர்ந்து ரூ.53,680-க்கு விற்று வந்த நிலையில், இன்று சற்று குறைந்துள்ளது.
தற்போது சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.240 குறைந்து ரூ.53,440-க்கு விற்பனை செய்யப்படுகிறது. ஆபரணத் தங்கம் கிராமுக்கு ரூ.30 குறைந்து ரூ.6,680-க்கு விற்பனை செய்யப்படுகிறது. வெள்ளி விலை எவ்வித மாற்றமும் இன்றி, ஒரு கிராம் ரூ.92.00-க்கு விற்பனை செய்யப்படுகிறது.
-பவானி கார்த்திக்
