திருவெற்றியூர்- மீஞ்சூர் நெடுஞ்சாலையில் திடீர் சாலை மறியல்..
திருவள்ளூர் மாவட்டம், விச்சூர் பகுதியில் மழைநீருடன் எண்ணெய் கசிவு கலப்பதாகவும், இதுவரை அரசு அதிகாரிகள் நடவடிக்கை எதுவும் எடுக்கவில்லை என கூறி பொதுமக்கள் திடீர் சாலைமறியலில் ஈடுபட்டனர்.
திருவள்ளூர் மாவட்டம், விச்சூர் ஊராட்சிக்குட்பட்ட 20க்கும் மேற்பட்ட கிராமங்களில் மிக்ஜாம் புயல் காரணமாக கொசஸ்தலை ஆற்றில் இருந்து வெளியேறிய உபரிநீர் கிராமங்களுக்குள் புகுந்தது.
புயல் கரையை கடந்து ஒரு வார காலமாகியும் இதுவரை வெள்ளநீர் வடியாத காரணத்தினாலும் சூழ்ந்து இருக்கும் வெள்ள நீருடன் டீசல், பெட்ரோல் உள்ளிட்ட எண்ணெய் கலப்பதாலும் துர்நாற்றத்துடன் தொற்றுநோய் ஏற்படுத்தும் விதத்தில் கருப்பாக தண்ணீர் காணப்படுகிறது.
இது குறித்து பலமுறை அதிகாரிகளுக்கு தகவல் அளித்தும் இதுவரை எந்த அதிகாரியும் நடவடிக்கை எடுக்கவில்லை என கூறி பொதுமக்கள் திருவெற்றியூர்- மீஞ்சூர் நெடுஞ்சாலையில் திடீர் சாலை மறியலில் ஈடுபட்டனர்.
இதனால் அப்பகுதியில் 2 மணிநேரம் போக்குவரத்து பாதிப்படைந்ததை தொடர்ந்து, சம்பவ இடத்திற்கு வந்த பொன்னேரி சட்டமன்ற உறுப்பினர் துரை சந்திரசேகர், விரைவில் நடவடிக்கை எடுப்பதாக கூறியதன் பேரில் பொதுமக்கள் போராட்டத்தை கைவிட்டனர்.
ADVERTISEMENT
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
