மாணவியிடம் அத்து மீறிய ஆசிரியர்..!! பரபரப்பான திருப்பூர்..!!
திருப்பூர் மாவட்டம் காங்கேயம் அருகே அரசு பள்ளி மாணவியிடம் பாலியல் சீண்டலில் ஈடுபட்ட ஆசிரியர் கைது.
திருப்பூர் மாவட்டம் காங்கேயம் அடுத்துள்ள ஊதியூர் காவல் நிலையத்திற்கு உட்பட்ட அரசு பள்ளியில் பணியாற்றுபவர் சிவகுமார் (54) என்ற ஆசிரியர். இவர் பொங்கல் விடுமுறைக்கு முன்பு அங்கு படித்து வரும் ஒரு மாணவியிடம் பாலியல் சீண்டலில் ஈடுபட்டதாகவும் அதுகுறித்து அந்த மாணவி விடுமுறை தினத்தில் ஊருக்கு சென்ற போது அங்குள்ள உறவினரிடம் அந்த மாணவி தெரிவித்துள்ளார்.
இதுகுறித்து உறவினர் காவல்துறை கட்டுப்பாட்டு அறை புகார் எண் 100க்கு புகார் தெரிவித்து உள்ளார்.இதை அடுத்து பொங்கல் பண்டிகை முடிந்து இன்று பள்ளி தொடங்கிய நிலையில் ஊதியூர் மற்றும் காங்கேயம் அனைத்து மகளிர் காவல்துறையினர் சம்பவ இடத்திற்கு சென்று விசாரணை மேற்கொண்டனர்.
பின்னர் ஆசிரியர் சிவகுமாரை காங்கேயம் அனைத்து மகளிர் காவல் நிலையத்திற்கு கைது செய்து விசாரணை மேற்கொண்டு வருகின்றனர்.
மேலும் ஆசிரியர் சிவகுமார் அதே பள்ளியில் படிக்கு வேறு மாணவிகளுக்கு இதே போல் பாலியல் சீண்டலில் ஈடுபட்டாரா..? என்ற கோணத்திலும் காவல்துறையினர் விசாரணை மேற்கொண்டு வருகின்றனர்.
ஆசிரியரே மாணவியிடம் பாலியல் சீண்டலில் ஈடுபட்டது ஊதியூர் பகுதியில் பரபரப்பை ஏற்படுத்தியுள்ளது.
மேலும் கடந்த 3 நாட்களில் காங்கேயம் அணைத்து மகளிர் காவல் நிலையத்தில் 2 போக்சோ வழக்குகள் போடப்பட்டுள்ளது.
62 வயது முதியவர் ஒருவர் 4 வயது சிறுமியிடம் பாலியல் சீண்டலில் ஈடுபட்டது.
மற்றொன்று 22 வயது இளைஞர் ஒருவர் 14 வயது சிறுமியிடம் திருமணம் செய்து கொள்வதாக ஆசை வார்த்தைகள் கூறி பாலியல் சீண்டலில் ஈடுபட்டுள்ளார்.. மாணவியின் பெற்றோர்கள் கொடுத்த புகாரில் வழக்கு பதிவு செய்து அந்த வாலிபரை காவலர்கள் கைது செய்துள்ளனர்.
பெற்றோர்களின் கலக்கத்தை ஏற்படுத்தியுள்ளது. தமிழக அரசும்,மாவட்ட நிர்வாகமும், காவல்துறையினர் காங்கேயம் பகுதிகளில் உள்ள பள்ளி மாணவியர்களிடம் போதிய விழிப்புணர்வு ஏற்படுத்த வில்லை என குற்றசாட்டு எழுந்துள்ளது.
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
