நண்பனின் குழந்தைய கொலை செய்து நாடகமாடிய வாலிபர்..!
நண்பனின் 2 குழந்தைகளை கடத்திச்சென்று கொலை செய்து விட்டு நாடகமாடிய நபரை காவல்துறையினர் கைது செய்துள்ளனர்..
திருப்பத்தூர் மாவட்டம் ஆம்பூர் அடுத்த மாதனூர் பகுதியைச் சேர்ந்தவர் யுவராஜ் இவருக்கு, தர்ஷன் (வயது 4) மற்றும் யோகித் (வயது 6) என இரண்டு ஆண் குழந்தைகள் உள்ள நிலையில் யுவராஜின் நண்பரான வசந்த் என்பவர், யுவராஜின் குழந்தைகளை வெளியே அழைத்துச் சென்று திண்பண்டங்கள் வாங்கி தருவதை வாடிக்கையாக வைத்துள்ளார்..
அதேபோல் நேற்றும் வசந்த்., தனது நண்பர் யுவராஜின் குழந்தைகளை கடைக்கு அழைத்துச் செல்வதாக கூறி அழைத்துச் சென்றுள்ளார். அதனை தொடர்ந்து இரவு வெகு நேரம் ஆகியும் வசந்த் மற்றும் 2 குழந்தைகள் வீடு திரும்பாததால் அச்சமடைந்த குழந்தைகளின் பெற்றோர் உடனடியாக இதுகுறித்து, ஆம்பூர் கிராமிய காவல் நிலையத்தில் புகார் அளித்துள்ளனர்..
புகாரின் பேரில் குழந்தை காணாமல் போனது குறித்து ஆம்பூர் கிராமிய காவல்துறையினர் விசாரணை மேற்க்கொண்டு வந்த போது, காணாமல் போன இரண்டு குழந்தைகளும், வேலூர் மாவட்டம். சிங்கல்பாடி அடுத்த ஏரிப்பட்டி செங்காத்தம்மன் கோவிலின் பின்புறம் சடலமாக இருப்பதாக காவல் துறையினருக்கு தகவல் கிடைத்துள்ளது., தகவலின் பேரில் சம்பவ இடத்திற்கு விரைந்து சென்ற ஆம்பூர் கிராமிய காவல்துறையினர் மற்றும் மாவட்ட காவல் கண்காணிப்பாளர் ஷ்ரேயா குப்தா தலைமையிலான காவல்துறையினர் ஏரிப்பட்டி பகுதியில் உள்ள செங்காத்தம்மன் கோவிலின் பின்புறம் சடலமாக கிடந்த இரண்டு குழந்தைகளின் உடலை மீட்டு பிரேத பரிசோதனைக்காக வேலூர் அரசு மருத்துவக்கல்லூரி அரசு மருத்துவமனைக்கு அனுப்பி வைத்தனர்..
அதனை தொடர்ந்து, குழந்தைகளை கடைக்கு அழைத்து செல்வதாக கூறி அழைத்து சென்று கொலை செய்த வசந்தை காவல்துறையினர் கைது செய்து தீவிர விசாரணை மேற்கொண்டு வருகின்றனர்.
மேலும் நண்பனின் 2 ஆண் குழந்தைகளை கடைக்கு, அழைத்துச்சென்று, குழந்தைகளை கொலை செய்து கோவிலின் பின்புறம் வீசிச்சென்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
