பட்டபகலில் லாவகமாக திருட்டில் ஈடுப்பட்ட இளைஞர்.. சிசிடிவி உதவியுடன் போலீஸ் வலைவீச்சு..!
திருவண்ணாமலை மாவட்டம் செங்கத்தில் ராஜ வீதியில், பத்திரப்பதிவு அலுவலகம், நகைக்கடை, துணிக்கடை, மருந்து கடை உள்ளிட்டவைகள் இயங்குவதால் எப்பொழுதும் பரபரப்பாகவே காணப்படும்.
ராஜ வீதியில் பாபு என்பவர் நடத்தி வரும் மருந்து கடையில் இளைஞர் ஒருவர் மருந்து வாங்குவதற்காக மருந்து சீட்டை கொடுத்து மருந்து மற்றும் மாத்திரைகள் வாங்கியுள்ளார்.
அப்போது கடை உரிமையாளரின் மனைவி மருந்துகள் எடுக்க உள்ளே சென்றபோது அவர் வைத்திருந்த செல்போனை மருந்து வாங்க வந்த அந்த இளைஞர் திருடி சென்றுள்ளார்.
சிறிது நேரம் கழித்து செல்போன் இல்லாததை கண்டு அதிர்ச்சியுற்ற கடை உரிமையாளர் சிசிடிவி காட்சியை ஆராய்ந்த போது, மருந்து வாங்க வந்த இளைஞர் செல்போனை லாவகமாக எடுத்துச் சென்றது தெரியவந்துள்ளது.
மருந்து கடை உரிமையாளர் பாபு அளித்த புகாரின் பேரில் செங்கம் காவல் நிலையபோலீசார் வழக்கு பதிவு செய்து மருந்து கடை, மருந்து கடையின் கண்காணிப்பு கேமரா பதிவு காட்சிகள் அடிப்படையில் செல்போன் திருடிய நபரை தேடி வருகின்றனர்.
எப்பொழுதும் பரபரப்பாக காணப்படும் ராஜவீதியில் பட்டப் பகலில் மருந்துக்கடையின் உரிமையாளர் செல்போனை திருடி சென்ற சம்பவம் அப்பகுதியில்அதிர்வலைகளை ஏற்படுத்தி உள்ளது.
-பவானி கார்த்திக்
