மூதாட்டியை கொலை செய்த இளைஞர்..!! விசாரணையில் வெளிவந்த பல திடுக்கிடும் தகவல்கள்..!!
வாணியம்பாடி அருகே வீட்டில் தனியாக வசித்து வந்த மூதாட்டியை கொலை செய்த இளைஞரை காவல்துறையினர் கைது செய்து விசாரணை செய்த போது பல திடுக்கிடும் தகவல்கள் வெளியானது..
திருப்பத்தூர் மாவட்டம். வாணியம்பாடி அடுத்த இராஜபாளையம் கிராமத்தை சேர்ந்த மூதாட்டி சந்திராபாய் (வயது 75). இவருடைய கணவர் விஸ்வநாதன் இவர்களுக்கு ஒரு மகன் மற்றும் மகள் உள்ள நிலையில், விஸ்வநாதன் கடந்த பல ஆண்டுகளுக்கு முன்பு இறந்த நிலையில், மகன் மற்றும் மகள் இருவரும், திருமணம் ஆகி தனித்தனியாக வசித்து வரும் நிலையில், மூதாட்டி சந்திராபாய் இராஜபாளையத்தில் உள்ள வீட்டில் தனியாக இருந்து கூலி வேலை செய்து வந்துள்ளார்.
மேலும் வெளியூரில் உள்ள மூதாட்டி சந்திராபாயின் மகள் தினமும் காலை மற்றும் இரவு நேரங்களில் தனது தாயிற்கு செல்போன் மூலம் தொடர்பு கொண்டு, பேசுவதை வழக்கமாக கொண்டுள்ளார்.. இந்நிலையில், நேற்று காலை மூதாட்டி சந்திராபாயின் மகள் மூதாட்டியிற்கு, செல்போன் மூலம் அழைப்பு விடுத்த போது, வெகுநேரம், மூதாட்டி சந்திராபாய் செல்போனை எடுக்காததால், சந்திராபாயின் மகள், சந்திராபாயின் வீட்டின் அருகே உள்ளவர்களை தொடர்பு கொண்டு, தனது தாய் செல்போன் எடுக்கவில்லை, எனது தாயிடம் செல்போன் கொடுக்க முடியுமா எனக்கேட்டுள்ளார்..
அதனை தொடர்ந்து, அக்கம்பக்கத்தினர் சந்திராபாய் வீட்டிற்க்கு சென்று பார்த்த போது வீடு திறந்த நிலையிலும், மூதாட்டி ஆடைகள் களைந்து, இரத்த வெள்ளத்தில் இறந்திருப்பதை கண்டு அதிர்ச்சி அடைந்து, உடனடியாக இதுகுறித்து, ஆலங்காயம் காவல்துறையினருக்கு தகவல் தெரிவித்துள்ளனர்.
தகவலின் பேரில் சம்பவ இடத்திற்கு விரைந்த ஆலங்காயம் காவல்துறையினர் மற்றும் திருப்பத்தூர் மாவட்ட காவல் கண்காணிப்பாளர் ஸ்ரேயா குப்தா தலைமையிலான காவல்துறையினர் சம்பவ இடத்திற்கு விரைந்து சென்று, மூதாட்டியின் உடலை மீட்டு காவல்துறையினர் பிரேத பரிசோதனைக்காக, வாணியம்பாடி அரசு மருத்துவமனைக்கு அனுப்பி வைத்தனர்..
அதனை தொடர்ந்து, மூதாட்டியின் செல்போன் ஆகியவை கொள்ளையடிக்கப் பட்டிரிருந்த நிலையில், இச்சம்பவம் குறித்து ஆலங்காயம் காவல்துறையினர் வழக்குபதிவு செய்து, பல்வேறு கோணங்களில் காவல்துறையினர் விசாரணை மேற்கொண்டு வந்தனர். மேலும் மாவட்ட காவல் கண்காணிப்பாளர் ஸ்ரேயா குப்தா தலைமையிலான 4 தனிப்படை காவல்துறையினரும் பல்வேறு கோணங்களில் விசாரணையை தீவிரப்படுத்தி கொலையளியை தேடி வந்தனர்.
மேலும் திருவண்ணாமலை பகுதியில் இருந்து வீரா என்ற மோப்ப நாய், மற்றும் கைரேகை நிபுணர்களை வரவழைத்து ஆய்வு செய்தனர். அப்பொழுது மோப்பநாய் வீரா இராஜபாளையம் ஏரிக்கரை பகுதியிலேயே சிறிது நேரம் சுற்றி சுற்றி வந்த நிலையில், அதே பகுதியை சேர்ந்த சேட்டு (எ) காளியப்பன் (வயது 18) என்ற இளைஞரிடம் காவல்துறையினர் சந்தேகத்தின் பேரில் கைது செய்து, விசாரணை மேற்க்கொண்ட போது, பல திடுக்கிடும் தகவல்கள் வெளியானது..
மூதாட்டி சந்திராபாய், தன்னை கோழி மற்றும் வீட்டில் உள்ள பொருட்களை திருடுவதாக கிராம மக்களிடம் கூறி வந்ததாகவும், இதனால் ஆத்திரத்தில், மூதாட்டி வீட்டில் தனியாக இருந்த போது, அவரை கொலை செய்ததாகவும் இளைஞர் காவல்துறையினரிடம் வாக்குமூலம் அளித்துள்ளார்..
அதனை தொடர்ந்து இளைஞர் மீது வழக்குபதிவு செய்த காவல்துறையினர் அவரிடம் மேலும் விசாரணை மேற்க்கொண்டு வருகின்றனர்.. மேலும் கோழி மற்றும் வீட்டில் உள்ள பொருட்களை திருடுவதாக கிராம மக்களிடம் கூறிய மூதாட்டியை ஆத்திரத்தில் இளைஞர் கொலை செய்த சம்பவம் அப்பகுதியில் பெரும் பரபரப்பை ஏற்படுத்தியுள்ளது…
– சத்யா
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
