ஆரோக்கியமான ரவா ஊத்தப்பம் ரெசிபி..!
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
ரவா ஊத்தப்பம் என்பது ஈசியாக செய்யக்கூடிய ஒரு உணவு வகையாகும். உங்களிடம் அரை மணி நேரம் இருந்தால் போதுமானது உடனே இந்த ஊத்தப்பம் ரெடியாகிவிடும். வாங்க இப்போ பார்க்கலாம் எப்படி செய்யலாம்னு..
ADVERTISEMENT
தேவையான பொருட்கள்:
- ரவை ஒரு கப்
- தயிர் அரை கப்
- உப்பு
- தண்ணீர்
- வெங்காயம்
- தக்காளி
- பச்சை மிளகாய்
- கொத்தமல்லி இலை
- மிளகுத்தூள்
- நெய்
- எண்ணெய்
செய்முறை:
- ஒரு பாத்திரத்தில் ஒரு கப் ரவை மற்றும் அரை கப் தண்ணீர் சேர்த்து கலந்துக் கொள்ள வேண்டும்.
- பின் இதில் அரை கப் தயிர் மற்றும் தேவையான அளவு உப்பு சேர்த்து கலந்துக் கொள்ள வேண்டும்.
- கலந்த கலவையை அப்படியே 20 நிமிடங்களுக்கு மூடி வைக்க வேண்டும்.
- பின் மாவினை திறந்து கெட்டியாக இருந்தால் சிறிது தண்ணீர் சேர்த்து கலந்துக் கொள்ள வேண்டும்.
- வெங்காயம், பச்சை மிளகாய், தக்காளி, கொத்தமல்லி இலை, மிளகுத்தூள் ஆகியவற்றை நறுக்கிக் கொள்ள வேண்டும்.
- தேவைப்பட்டால் உங்களுக்கு விருப்பமான கேரட் ஆகியவற்றையும் துருவி சேர்த்து கொள்ளலாம்.
- தோசைக்கல்லை அடுப்பில் வைத்து எண்ணெய் தடவிக் கொண்டு ஒரு கரண்டி மாவினை எடுத்து ஊற்றி லேசாக பரப்பி சற்று தடிமனாக ஊற்றவும்.
- பின் நறுக்கி வைத்துள்ள காய்கறிகளை ஊத்தப்பம் மேலே சேர்க்கவும். பிறகு தோசைக்கரண்டியை கொண்டு அழுத்தி விடவும்.
- சுற்றி நெய் அல்லது எண்ணெய் ஊற்றி மற்றொரு புறமும் திருப்பிப் போட்டு வேகவிட்டு எடுக்கவும்.
- அவ்வளவுதான் ஆரோக்கியமான ஊத்தப்பம் தயார்.
- இதற்கு தொட்டு சாப்பிட கார சட்னி, வெங்காய சட்னி மற்றும் தக்காளி தொக்கு ருசியாக இருக்கும்.
