இந்தியா வருகிறார் அமெரிக்க அதிபர் ட்ராம்ப்

அமெரிக்க அதிபர் டொனால்டு ட்ராம்ப் வரும் 24-ந் தேதி இந்தியா வர இருப்பதை வெள்ளை மாளிகை உறுதி செய்துள்ளது.

அமெரிக்க அதிபர் டொனால்டு ட்ராம்ப், அவரது மனைவி மெலனியா டிரம்ப் ஆகிய இருவரும் வரும் 24, 25 ஆகிய இரு நாட்கள் இந்தியாவில் பயணம் மேற்கொள்ள உள்ளதாக, வெள்ளை மாளிகை வெளியிட்டுள்ள அறிவிப்பில் தெரிவிக்கப்பட்டு உள்ளது. அமெரிக்கா – இந்தியா நாடுகளுக்கு இடையேயான நல்லுறவை வலுப்படுத்துவதற்காக இந்த பயணம் அமையும் என்றும் அதில் கூறப்பட்டுள்ளது. கடந்த வாரம் ட்ராம்ப், இந்திய பிரதமர் மோடி இருவரும் தொலைபேசியில் தொடர்பு கொண்டு பேசியதும் அதில் சுட்டிக்காட்டப்பட்டுள்ளது.

இந்த பயணத்தில் டெல்லி, குஜராத் ஆகிய நகரங்களுக்கு தலைவர்கள் இருவரும் செல்ல உள்ளனர். நாட்டு விடுதலைக்காக போராடிய மகாத்மா காந்தி, பிரதமர் மோடியின் சொந்த மாநிலம் என்ற வகையில் இவர்களது பயணத்தில் குஜராத் இடம்பெற்றுள்ளது. இருநாட்டு உறவுகளை மேம்படுத்தும் நோக்கில் கடந்த செப்டம்பரில் அமெரிக்காவின் ஹூஸ்டன் நகருக்கு சென்ற பிரதமர் மோடியை வரவேற்ற டிரம்ப் விருந்து வழங்கினார் என்பது குறிப்பிடத்தக்கது.

What do you think?

டி.என்.பி.எஸ்.சி முறைகேடு – கிராம நிர்வாக அலுவலர் கைது!

சிறந்த விளையாட்டு வீரர்களுக்கு ஓய்வூதியம் – மத்திய அரசு அறிவிப்பு