கங்குவா எப்போது ரிலீஸ்? அப்டேட் கொடுத்த தயாரிப்பாளர்!
நடிகர் சூர்யாவின் நடிப்பில், சிறுத்தை சிவா இயக்கத்தில், உருவாகி வரும் திரைப்படம் கங்குவா. ஞானவேல் ராஜா தயாரிப்பில் உருவாகியுள்ளது. மேலும் தேவி ஸ்ரீ பிரசாத் இசையமைத்துள்ள இந்தப் படம் 3டி முறையில் ஒரு சரித்திர படமாக உருவாகியுள்ளது.
சன்னி தியோல், திஷா பதானி என்று சில பாலிவுட் பிரபலங்களும் நடித்துள்ள இப்படம், இந்தி மார்கெட்டை பெரிய அளவில் குறி வைத்துள்ளது. வரும் அக்டோபர் 10-ஆம் தேதி ரிலீஸ் ஆகும் என்று அறிவிக்கப்பட்ட இந்த படம், ரஜினியின் வேட்டையன் படமும் அதே தேதியில் ரிலீஸ் ஆவதால், தனது ரிலீஸ் தேதியை மாற்றிக் கொண்டுள்ளது.
ஆனால், எந்த தேதி என்பது, இப்போது வரை உறுதி செய்யப்படவில்லை. இந்நிலையில், கங்குவா படத்தின் தயாரிப்பாளர்களில் ஒருவரான தனஞ்ஜெயன், பேட்டி ஒன்றை அளித்துள்ளார். அந்த பேட்டியில், இந்தி மொழியில் மல்டிபிளக்ஸில் கங்குவா வெளியாக உள்ளது என்றும், கங்குவா இன்னும் இரண்டு மாதங்களில் ரிலீஸ் ஆகும் என்றும் கூறியுள்ளார். இதனால் இன்னும் இரண்டு மாதங்களில் கங்குவா ரிலீஸ் தேதி குறித்த அதிகாரபூர்வ அறிவிப்பு வெளியாகும் என்று எதிர்பார்க்கப்படுகிறது.
